ليبيا: أخبار وتقارير

"داخلية المؤقتة" تمنع دخول وزير التعليم بحكومة الوفاق للمنطقة الشرقية

ليبيا المستقبل | 2017/06/07 على الساعة 15:55

ليبيا المستقبل: أصدر وكيل عام الوزارة الداخلية في الحكومة المؤقتة، العميد حسين العبار اليوم الأربعاء، تعليماته لكل المنافذ في المنطقة الشرقية بمنع دخول وزير التعليم العالي في حكومة الوفاق. وقال رئيس قسم الإعلام الأمني في مكتب وكيل العام مساعد ضابط أول عوض علي العدولي، في تصريحات لوكالة الأنباء الليبية، إن "تعليمات الوكيل صدرت عقب تصريحات وزير التعليم العالي في حكومة الوفاق غير الدستوري بشأن تصريحه بزيارة للمنطقة الشرقية خلال الفترة المقبلة". حسب قوله.

بنت ليبيا | 08/06/2017 على الساعة 09:46
ربي يفك العقد انشاء الله
احلى ما في الموضوع انه يجيك واحد ويقولك ان العوج كله من الغرب عارفين في عوج ولكن في ليبيا كلها شاطرين غير في تهيج الحساسية والجهوية وزرع الفتن وبعدين يقولك وطنيين عليه السلام عندما دخل مكة وقابل الكفار والذين ظلموه قال لهم اذهبوا فأنتم الطلقاء ام انحن فلسنا بمسلميين والله نستاهلوا الاستعمار يرجع لعل وعسى يحي فينا روح الوطنية مرة أخرى عندما نري قد احتل بلادنا ونتحشموا علي روحنا شوية يالطيف على الحقد والقبيلة ولا العصور الجاهلية انما اسؤا منها
الفارس الليبي | 07/06/2017 على الساعة 23:57
ملاحظة
قرار غير صحيح وليس في صالح البلاد
إبن طرابلس | 07/06/2017 على الساعة 23:47
انما الامم الاخلاق ما بقيت فان هموا ذهبت اخلاقهم دهبوا
قال رسول الله - صلى الله عليه وسلم - : " إن مما أدرك الناس من كلام النبوة الأولى : إذا لم تستح فاصنع ما شئت " فوكيل الوزارة هذا لم يستحى على فعلته، حيت ان وظيفته وكيل وزارة ليس بوزير والقادم الى الشرق من الغرب هو وزير اى اعلى منه منصبا ولكن هذا التصرف الاعمى سببه راجع الى انعدام الاخلاق والتعصب القبلى الجاهل الضيق للافق...
علي السبعي | 07/06/2017 على الساعة 19:01
لعب الفروخ
هذا مايخشش المنطقة الشرقية وهذا مايخشش المنطقة الغربية وبره... معقولة ليبيا تصبح في يد كمشة مفرخ يلعبوا فيها كيف مايبوا؟ درتوا العار ياحكومة الفروخ ولاحول ولاقوة الا بالله العظيم .
زياد الورفلي | 07/06/2017 على الساعة 17:02
الله عيب
شنو هدا اللي اديرو فيه شنو هالعيب... والله عتمان عبد الجليل اول وزير ليبي بمعى وزير افتقدناه ليه شهر ماسك وشوف اللي داره الراجل وشوف لعقليته راجل متعلم بمعنى الكلمة نظم التعليم والملحقيات من الفساد والواسطة والمحسوبية وخلاها علنا على سبيل المثال اللي يبي ملحق او مساعد ملحق الكل ايتقدم والكفاءة تحكم ياراجل يمشي للمدارس فى المدن والارياف ايتفقد فيهن بروحه دارها وزيركم فى المنطقة الشرقية تربحو خلو الراجل يخدم وفكونا من قلة العقل والله فدت منكم المفروض عقلية الراجل هدا مكان السراج مش وزير تعليم قيمو اداء الراجل يبي يطمن على سير العملية التعليمية ويصرف عالمدارس المدمرة مدارس اولادكم بيش ايتعلمو. فرحنا طلع راجل ليبي شفاف ونظيف هكي والله ما ننعرفه لكن اني رجل اكاديمي وانقيم الافعال.. من زمان مارينا افعال هكي كلها ماشية محسوبية وواسطة والجاهل فوق المتعلم فى ليبيا يحكم فيه.. كيف صار.. شرعي مش شرعي امشو تفاهمو مع السراج وسيدكم كوبلر خلو الراجل يخدم على حاله وفكونا من قلة العقل
ليبي ليبي | 07/06/2017 على الساعة 16:53
تاشيرة
طبيعي وزير التعليم لايملك تأشيرة الدخول ،شر البلية ما يضحك
احمد معيوف | 07/06/2017 على الساعة 16:43
هذي بلاده
الشخص اللي صدر القرار يجب ان يقدم للمحكمة. المفروض واجبه بحمي امن المواطن، مش يمنع مواطن من التنقل في بلاده
mustafa | 07/06/2017 على الساعة 16:27
من دولة تانية
الغرور الجهوى والحقد على ليبيا وحب التسلط جعل هده الاشكال تتصرف هكدا الله يرحم عمر المختار
آخر الأخبار